बालिका बलात्कार गरेको आरोपमा ओखलढुंगामा ६५ वर्षीय अम्बरबहादुर मगर पक्राउ परेका छन् ।
स्थानीय १० वर्षीया बालिका बलात्कार आरोपमा चिशंखुगढी गाउँपालिका ६, भदौरेका मगरलाई प्रहरीले पक्राउ गरेको हो ।
घरमा कोही नभएका बेला मगरले बालिकालाई करणी गरेको भन्दै बालिकाका आफन्तले दिएको किटानी उजुरीका आधारमा पक्राउ गरिएको प्रहरी निरीक्षक राजीव श्रेष्ठले जानकारी दिए ।
मगरले बालिकालाई प्रलोभनमा पारेर गत असार ३० गते शौचालयमा लगेर करणी गरेको उजुरीमा उल्लेख छ । पक्राउ परेका मगरलाई अदालतबाट म्याद थप गरी हिरासतमा राखेर अनुसन्धान थालिएको प्रहरीले जनाएको छ ।
