काठमाडौंँ, फागुन ६ गते । नेपाली कांग्रेस जिल्ला कार्यसमिति गुल्मीका प्रथम सभापति एवं पूर्व सांसद भागवत ज्ञवालीको आज ललितपुरको अल्का अस्पतालमा उपचारका क्रममा निधन भएकाे छ ।
ज्ञवाली विगत केही समयदेखि अल्सर रोगबाट पीडित थिए । उनी दिल्लीको उपचारपछि ललितपुरको अल्का अस्पतालमा पुनः उपचार गराउँदै आएका थिए । ज्ञवाली वि.सं. २०४८ को आम निर्वाचनमा तत्कालीन गुल्मी निर्वाचन क्षेत्र नं. २ बाट प्रतिनिधिसभामा विजयी भएका थिए ।
उनको निधनप्रति नेपाली कांग्रेसका सभापति शेरबहादुर देउवाले गहिरो दुःख व्यक्त गरेका छन् । शाेक विज्ञप्ति मार्फत देउवाले उनकाे निधनबाट पार्टीले एक निष्ठावान नेतृत्वलाई गुमाएको छ भन्दै पार्टी र मेरो व्यक्तिगत तर्फबाट गहिरो दुःख व्यक्त गरेका छन् ।
