काठमाडौँ, चैत ९ गते । कोरोनाभाइरसको सङ्क्रमण रोक्ने उद्देश्यले ‘जनता कर्फ्यु’ लगाइएको भारतमा सङ्क्रमितहरूको सङ्ख्या बढेर ३४१ पुगेको छ।
त्यहाँको मेडिकल रिसर्च एशोसियसनले उक्त जानकारी दिएको हो।
जसअनुसार आइतवार मुम्बईमा छजना र पुणेमा चारजना गरी महाराष्ट्र राज्यमा थप १० जना नयाँ सङ्क्रमित फेला परेका हुन्।
महाराष्ट्रको स्वास्थ्य विभागका अनुसार त्यहाँ ७४ जनामा सङ्क्रमण भेटिएको छ र एकजनाको मृत्यु भएको छ।
आधिकारिक तथ्याङ्क अनुसार भारतमा अहिलेसम्म छजनाको मृत्यु भएको छ।
कतारबाट पुगेकाको मृत्यु
नेपालको सिमाना जोडिएको बिहार राज्यमा दुईजना नयाँ सङ्क्रमित फेला परेको र एकजनाको मृत्यु भएको जनाइएको छ।
राजधानी पटनाको एम्स अस्पतालमा ती व्यक्तिको मृत्यु भएको हो।
