बागलुङ-

जिल्लाको गलकोट नगरपालिकाको आगामी आर्थिक वर्ष २०७७।०७८ का लागि नीति तथा कार्यक्रम सार्वजनिक गरेको छ । नगरप्रमुख भरत शर्मा गैरेले निति तथा कार्यक्रम सार्वजनिक गर्दै अगामी वर्षमा गत वर्ष भन्दा केही फरक शैलिले स्वास्थ्य शिक्षा र कृषि क्षेत्रलाई प्राथमिकतामा राखेर अगाडी बढेको बताए । नगरपालिकाले यस वर्ष विशेष गरी कोभिड १९ का कारण स्वदेश फर्किएका नागरिहरुलाई लक्षित गरि रोजगारमुलक कार्यक्रमलाई प्राथमिकता दिएको छ । युवहरुलाई कृषिमा आत्मनिर्भर बनाउनका निम्ति साहमुहिक सहकारीमा आधारित कृषि, व्यवसाय र सामुहिक कृषि फर्म संचानको लागि अनुदान उपलब्ध गराउने भएको छ ।
स्वदेशमै स्वरोजगार बनाउनका लागि युवा उत्पादनसँग जोड्नका लागि विभिन्न अभिमुखिकरण तथा सुलव कृषि सामग्री उपलब्ध गराउने भएको छ ।
नगरपालिकाले कृषि क्षेत्रलाई बढवा दिनको लागि पालिका भित्रका कृषि योग्य जमिनको पहिचान गरि एक गाउँ, एकबालीको रुपमा नमुना व्यवसायीक खेतीलाई प्राथमिता दिएको छ ।
नगरपालिकाले गलकोटमा रहेको गलकोट प्राथमिक स्वास्थ्य केन्द्रको स्तर वृद्धि गरि २५ शैयाको नगर स्तरीय अस्पताल बनाउने भएको छ । नागरपालिकाका सबै नागरिकलाई स्वास्थ्य बीमाको पहुँचमा ल्याउने भएको छ ।
त्यसैगरि नगरपालिकाले ८० वर्ष माथिका जेष्ठ नागरिकहरुलाई घरमै पुगेर स्वास्थ्य उपचार गर्ने व्यवस्था गरेको छ । स्वास्थ्य संस्थामा काम गर्ने स्वास्थ्यकर्मीहरुको सेवा सुविधा बढाउने नीति ल्याएको छ ।
नगरपालिकाले पर्यटन प्रवद्र्धन गर्नका निम्ति २०७८ सालमा गलकोट भ्रमण वर्ष मनाउने भएको छ । नगरको पर्यटन सम्बन्धी गुरुयोजना बनाउने भएको छ ।
नगरपालिकाले शिक्षा, खानेपानी, यातायात, विद्युत लगायत विकासका पूर्वाधारलाई उत्तिकै प्राथमिकताका साथ राखेको छ