काठमाडौँ, फागुन २१ गते । पश्चिमी एवं स्थानीय वायुको प्रभाव कायमै रहेकाले पहाडी भू–भागमा बदली रही बाँकी भागमा मौसम सामान्यतया सफा रहने मोसम पूर्वानुमान महाशाखाले जनाएको छ ।
आज दिउँसो देशका पहाडी भू–भागमा आंशिक देखि सामान्य बदली रही बाँकी भू–भागमा सामान्यतया सफा रहने छ। अपरान्ह पछि पहाडी भू–भागका एक दुई स्थानमा मेघ गर्जन र चट्याङ सहित वर्षाको सम्भावना रहेको महाशाखाले जनाएको छ।
आज राती देशका पहाडी भू–भागमा आंशिक देखि सामान्य बदली रही बाँकी भू–भागमा सामान्यतया मौसम सफा रहने छ। पहाडी भू–भागका एक दुई स्थानमा मेघ गर्जन र चट्याङसहित वर्षाको सम्भावना रहेको छ।
