काठमाडौं । गएको २४ घण्टामा नेपालमा ६२९ जना कोरोना संक्रमित थपिएका छन् ।
जसमध्ये ११० जना महिला र ५१९ जना पुरुष रहेका छन् । योसँगै संक्रमितको संख्या १० हजार ७२८ पुगेको छ ।
गएको २४ घण्टामा काठमाडौंका एक जना पुरूषमा कोरोना भाइरस संक्रमण देखिएको स्वास्थ्य मन्त्रालयले जनाएको छ । मन्त्रालयका अनुसार भक्तपुरमा दुई जना महिलालाई समेत कोरोना संक्रमण पुष्टि भएको छ ।
पछिल्लो २४ घण्टामा कोरोना मुक्त भई डिस्चार्ज हुनेको संख्या ११४ छ। जसमध्ये आठ जना महिला र १०६ जना पुरुष छन् ।
हालसम्म कोरोना संक्रमणबाट निको हुनेको कुल संख्या दुई हजार ३८ पुगेको छ । ती मध्ये एक सय ९७ जना महिला र दुई हजार १४१ जना पुरुष छन् ।
