काठमाडौं । अनेकन व्यक्तिको करोडौं ऋण लिएर तिर्नुपर्ने बेला तरुनीसहित काठमाडौंको गंगबुस्थित बसपार्कको एउटा गेस्ट हाउसमा बसेर अपहरणको नाटक गर्ने एक जना व्यक्ति पक्राउ परेका छन् ।
काठमाडौं महानगरपालिका–४ चुनदेवीका ३० वर्षीय शक्तिराज रेग्मी असार ३० गतेदेखि हराएकाले अपहरणमा परेको हुन सक्ने भन्दै प्रहरीमा उजुरी दर्ता भएको थियो । तर प्रहरीले अनुसन्धान गर्दै जाने क्रममा उनी तरुनीसहित काठमाडौंको गंगबुस्थित सुगन्ध होटलमा बसेको अवस्थामा फेला पारेको प्रहरीले जनाएको छ।
महाशाखाका एसपी ईश्वर कार्कीका अनुसार गएराति उनी बसपार्कस्थित सुगन्ध होटलमा भेटिएका हुन् । उनी पक्राउ परेपछि अपहरणको नाटक गरेको खुलेको छ र प्रहरीले पक्राउ गरेको छ ।
जग्गा व्यवसाय गर्ने नाममा विभिन्न व्यक्तिबाट करोडौ रुकम ऋण लिएको र तिर्नुपर्ने बेला अपहरणको नाटक गरेको आशंका गरिएको छ।
गलत सूचनाले प्रहरीलाई हैरानी र राज्यको स्रोत साधनको दुरुपयोग भएको भन्दै उनलाई पक्राउ गरिएको हो ।
