बागलुङ ,चैत २२ गते । मन्दिर परिसरको जङ्गलमा आगलागी भएको छ । बागलुङ बजारको फोहोर व्यवस्थानस्थलदेखि शुरु भएको आगो मन्दिरको जङ्गल परिसरमा प्रवेश गरेको बताइएको छ ।
आगो नियन्त्रणका लागि नेपाल प्रहरी सशस्त्र प्रहरी र नेपाली सेनाको समूहले प्रयास गरिरहेको भए पनि नियन्त्रणमा लिन नसकिएको जिल्ला प्रहरी कार्यालय बागलुङका सूचना अधिकारी इकवाल हवारीले जानकारी दिए आगलागीबाट मन्दिरको पश्चिम पट्टि रहेको जङ्गलमा ठूलो क्षति पुगेको छ । मन्दिर परिसर नजिकै आगो आइपुगेकाले मन्दिर जोखिममा रहेको उनको भनाइ छ ।जङ्गलमा कुहिएका काठ रुखका पात र झार बढी भएकाले नियन्त्रणमा कठिनाइ भैरहेको बताइएको छ ।
