काठमाडौं, वैशाख ३१ गते । नेकपा (एमाले) का नेताहरुको बैठक सकिएको छ । सिंहदरवारमा करिब दुई घण्टा लामो भएको छलफलमा पार्टी एकतालाई बलियो बनाउनेगरी गम्भीर छलफल भएको नेताहरुले बताउनुभयो ।
बैठकपछि गोरखापत्र अनलाइनसँग संक्षिप्त कुरा गर्नुहुँदै स्थायी कमिटी सदस्य सुवासचन्द्र नेम्वाङले पार्टी एकताबद्ध बनाउने विषयमा गम्भीरतापूर्वक छलफल भएको बताउनुभयो । अध्यक्ष केपी शर्मा ओली र नेता माधवकुमार नेपालबीच थप एक्लाएक्लै छलफल गरेर सहमतिको खाका तयार गर्ने जिम्मेवारी बैठकले दिएको उहाँले बताउनुभयो । भोली शनिबार पुनः दुबै नेताहरु बसेर कार्यदल गठनको गृहकार्य गर्ने उहाँले जानकारी दिनुभयो ।
नेता भीमबहादुर रावलले समस्या समाधानका लागि कार्यदल गठन गर्ने निर्णय भएको बताउनुभयो । कार्यदलले आवश्यक गृहकार्य गरी समस्या समाधानको पहल लिने उहाँले जानकारी दिनुभयो ।
