‘प्रतिनिधि सभा र प्रदेश सभा सबै त्रिसङ्कु भएको र सबैतिर गठबन्धन सरकार बनाउनु पर्ने अबस्था भएकाले सरकारको स्थिरतामा प्रश्न उठिरहने अवस्था छ’ सोमबार पोलिटब्यूरो बैठकमा प्रस्तुत गरेको राजनीतिक प्रतिवेदनमा भनिएको छ, ‘वर्तमान पाँच दलीय गठबन्धनमा रहेका राजनीतिक दलहरूको वर्गाधार, वर्ग चरित्र र दृ ष्टिकोण फरक फरक भएता पनि संविधानको पूर्ण कार्यान्वयन, लोकतन्त्रको रक्षा र मुलुकमा राजनीतिक स्थिरता कायम गर्दै मुलुकलाई संविधानले निर्देश गरेको समाजवाद उन्मुख दिशामा अगाडि बढाउने सवालमा सहमत भएर गठबन्धनमा रही सहकार्य गरिरहेका छन् । साझा सहमतिका आधारमा सरकार निर्माण गरी सञ्चालन गरिरहेका छन् ।’