पोर्ट मोस्र्वी,(एजेन्सी) पपुवा न्यु गिनीको उच्च पहाडी क्षेत्रमा भएको आदीवासीहरुको आम नरसंहारमा बालबालिका तथा महिला लगायत कम्तिमा चौबिस जना मारिएको स्थानिय सरकारी अधिकारीहरुले बुधवार बताएका छन् ।
हेला प्रान्तमा केहि दिन यता प्रतिद्वन्द्वी आदिवासी समुहबिच भएको हिंसात्मक भिडन्तमा अन्य थुप्रै व्यक्ति घाइते भएका छन् । केहि घाइतेको संख्या निकै गम्भीर रहेकाले मृतकको संखया बढ्न सकने बताइएको छ ।
प्रधानमन्त्री जेमस मारापेले उक्त आम नरसंहारको घटना आफ्नो जीवनकालकै सबैभन्दा दुखद रहेको बताउँदै पीडक तथा दोषिहरुलाई पक्राउ गरि कारवाही गरिने प्रतिवद्धता जनाएका छन् । वर्षौं पछिको पपुवा न्यु गिनीको यो सबैभन्दा डरलाग्दो आदिवासी हिंसा मध्ये एक हो ।
हेलाका गवर्नर फिलिप उन्डीआलुले यो हत्याकाण्ड वर्षैां देखि चल्दै आएको हिंसाकै एक अंश रहेको जानकारी दिएका छन् । उनले वदलाको भावनामा अचानक गरिएका आक्रमणमा विशेषगरी निर्दोष मानिसहरु परेको बताएका छन् । भुमि तथा प्राकृतिक श्रोतको वितरणलाई लिएर लामो समय देखि पपुवा न्यु गिनीमा विभिन्न आदिवासी समुहबिच भिडन्त हुँद ैआएको छ ।
